Ёсць у сусвеце планета Зямля.
Ёсць на Зямлі той краіна адна,
А ў той краіне — прыстанішча, дзе
Сэрца званчэйшыя песні вядзе.
Хоць, як і ўсюды, такія ж і там
Верасавішчы, пагоркі, лясы,
Маланкамі скрэмзаныя валуны,
Дажджамі аплаканыя курганы.
Хоць, як і ўсюды, такія ж...
Ды ўсё ж
Тут нешта і надзвычайнае ёсць.
I не разгаданае нікім
У гэтым прыстанішчы родным маім.
Нешта... аб чым толькі знае зямля
I ў калыханцы сваёй нам пяе,
Калі прыпадаем грудзьмі да яе.