Пісьмо, вылаўленае ў моры

Сярэдняя: 5 (1 голас)
Калі ў пракляты трапіў шторм, Я асушыў з бутэлькі ром. I ты, пісьмо знайшоўшы ў ёй, Пашлі яго ў пасёлак мой Ды за спачын маёй душы Сам чарку рому асушы. Хай не чакаюць больш сябры Мяне ў таверне «Дзве зары»; Хай не ўглядаецца Сальвейг Дарма і ў непагадзь і ў снег, Не прыслухаецца, як шторм Грыміць у свой чартоўскі горн, I не гаруе лішне там. Лёс рыбака я выбраў сам. Дзён і начэй недасыпаў, Дзяцей з Сальвейг нагадаваў — З Сальвейг, якую выкраў я У акіяна, каб зямля I вусны чорствыя мае Сагрэліся цяплом яе. I ён, знаць, мне не дараваў — I гэты шторм за мной паслаў.Nike Magista Obra Low