Снег

Сярэдняя: 3.9 (7 галасоў)
Што яснее на Каўказскіх горах? Можа, вырай там адпачывае? Можа, выкінула пену мора, I яна там перламутрам ззяе? Я пайшоў у горы. Калі вырай, Думаў, спачывае на вяршынях, Прывітаю вольных птушак шчыра, Пакажу ім шлях на Нёман сіні. А калі на горных на грамадах Пена хваль, — паслухаю іх грому I напеву шумных вадаспадаў, Што спадаюць з скал арліных, стромых. Але там, дзе я ступіў, ніколі Не было ні птушак і ні хваляў, Толькі веяў вецер на прыволлі Ды снягі маўклівыя ляжалі. Я там песню высек і пакінуў, Бо калі замрэ ад сцюжы сэрца, Дык вясной мой голас у даліны Да цябе з патокамі праб'ецца I раскажа аб вялікім шчасці: Бачыць сонца над краінай роднай, Жыць, раскрыўшы свае грудзі насцеж, Для напеваў і вятроў свабодных. Air Max 95 20th Anniversary