Зноў загарэліся сосны над краем...

Сярэдняя: 5 (1 голас)
Зноў загарэліся сосны над краем. Дзе-ні-дзе снег прытаіўся на лядах. Звонка з вячэрняй зарою сплывае чыстых крыніц серабраная радасць. Плоткай іграючай быстры мой човен выплыў, мінаючы звісшыя дрэвы, і ў поўнаводны, успенены Нёман разам з другімі закінуў я невад. Нехта русалку злавіў залатую, нехта хваліўся на вёсцы бурштынам, выцягнуў сетку цяжкую і чую: песня звініць, заблытаная ў ціне. Вышаў на бераг, — усе акружылі і пра улоў мой шчаслівы пытаюць... Даўна, відаць, рыбакі не лавілі песень вясняных з рэк нашага краю!Crazy Light Boost 2.5 Low